यादको सुवास

स्वार्थ बिनाको नाता जहिले नै खास हुन्छ,

मौनता भित्र पनि कतै अनमोल बास हुन्छ !!

नजिक हुनु मात्रै कहाँ प्रेम प्राप्ति हो र ? ?

साथमा नहुँदा पनि यादहरुको सुवास हुन्छ !!

-भिम मोर ✍️

संसारका सम्बन्धहरू निरपेक्ष र निश्छल भावमा गाँसिएका हुन्छन, तब तिनमा असीम आत्मीयताको सञ्चार जगमगाउँछ....,

​जहाँ स्वार्थको लेशसम्म हुँदैन, त्यहाँ मौनताले पनि एउटा शाश्वत र अनमोल छहारी प्राप्त गर्दछ .....!!

​वास्तविक अनुरागी प्रेम केवल सामीप्य वा भौतिक उपस्थितिमा मात्र सीमित रहँदैन; प्रेम त दूरी र समयभन्दा माथि उठेको एउटा अलौकिक चेतना हो...,

​जब दुई हृदयबीच आत्मिक तादात्म्य कायम हुन्छ, तब भौतिक वियोगमा पनि प्रियजनका स्मृतिहरू मनको सघन एकान्तमा अजस्र सुगन्ध बनेर महकिरहन्छन्....!!

​तिनै अविछिन्न स्मृतिहरूको स्नेह र सुवास आफैँमा समाहित हुनु नै प्रेम उत्कृष्टताको परिभाषा हो...!!